失落議席 鄧家彪選勞顧會

【明報專訊】工聯會鄧家彪失落立法會議席，但咁大個工聯會，阿彪總有用武之地，佢噚日就正式報名參選勞工顧問委員會嘅勞方委員選舉。雖然話係選舉，但工聯會派得佢去，咁應該有勝算，阿彪將會代替吳秋北出選呢個重要諮詢委員會職位。


阿彪噚日報名時公布埋簡單嘅參選理念，話要團結全港勞工界和工會，幫打工仔謀福利，講明要爭取標準工時立法、 推動取消強積金對冲、增加勞工假期至17日（現12日）；至於男士侍產假方面，佢就話明要增加日數，但就無寫明要由3日增至7日。勞顧會任期兩年一屆，今年底換屆。