新聞類別
副刊
詳情#
【明報專訊】正在外訪嘅財政司長曾俊華（右）借網誌發功，抒發自己少年時移居美國、但一直心繫香港之情，話當年由美國返港做公務員係正確決定，「希望身體力行，讓我的下一代能夠在自己的土地成長，令他們能夠更加了解國家的歷史和文化，熱愛自己的家」。
財爺上周二晚啟程到美國、秘魯同荷蘭訪問，並喺網誌話有機會同洛杉磯副市長陳紓樺（Raymond，左）見面。佢話同Raymond有惺惺相惜之感，皆因大家都喺十幾歲時隨家人移居北美讀中學，自己喺大學主修建築，對方就係工程師，而Raymond長期主責洛杉磯市嘅建築和樓宇安全工作，今年中退休，就被市長力邀出任洛市主管經濟發展嘅副市長一職。財爺話Raymond同佢一樣醉心中國武術，對方仲開館授徒，現時仲會落場玩吓搏擊。財爺又話，唔少移民外國嘅港人仍然關心同記掛住國家與香港發展，留意住香港嘅新聞。
（曾俊華網誌圖片）
財爺上周二晚啟程到美國、秘魯同荷蘭訪問，並喺網誌話有機會同洛杉磯副市長陳紓樺（Raymond，左）見面。佢話同Raymond有惺惺相惜之感，皆因大家都喺十幾歲時隨家人移居北美讀中學，自己喺大學主修建築，對方就係工程師，而Raymond長期主責洛杉磯市嘅建築和樓宇安全工作，今年中退休，就被市長力邀出任洛市主管經濟發展嘅副市長一職。財爺話Raymond同佢一樣醉心中國武術，對方仲開館授徒，現時仲會落場玩吓搏擊。財爺又話，唔少移民外國嘅港人仍然關心同記掛住國家與香港發展，留意住香港嘅新聞。
（曾俊華網誌圖片）
回應 (0)
