海洋公園海豚食魚有奇招

【明報專訊】海豚係聰明嘅動物，佢哋好似人類咁識玩玩具又識照鏡，就真係估佢唔到。海洋公園玩具師仲會設計唔同嘅玩具畀佢哋玩，仲講笑咁話雖然海豚隻手好短，但佢哋都鍾意照鏡梳下個頭喎！


設計師有時想考吓海豚，放啲魚入去一般公司用嘅蒸餾水膠桶入面。膠桶口好細，海豚點樣食裏面嘅魚呢？原來海豚好聰明，先將膠桶沉落水底等佢入水，之後再推出水面，等啲水流番出嚟，膠桶裏面嘅魚就可以隨水流出。


海洋公園將佢哋點樣玩整咗上網﹕http://www.youtube.com/user/HKOceanPark，海豚粉絲可睇個夠本。