收購重建夢滅

【明報專訊】利源號，莫先生，中匯街49號

莫先生的五金工場40多年前由父親創立，主要做水喉鐵通，「70、80年代最好生意，建築工程多，好多鐵要用，請5、6個伙計，每日淨賺幾千蚊，阿爸買這個舖都係幾萬蚊之嘛。」但約20年前政府修例，不准再用鐵製水喉通，全都改為銅喉或膠喉，利源號的生意就直線下降，莫先生近幾年開舖都無甚好做，只是坐坐跟街坊聊天，也加入了大角嘴高鐵關注組。舖位所在的中興樓樓齡46年，原期望將來被收購重建，但隧道經過地底，日後不能再起高樓，「唔會有人收購啦。不過住宅價錢就仲起緊，啲人唔係唔知危險，係買嚟做劏房，回報率高嘛，又唔係自己住，怕咩。」


2002年才入伙的西九龍紀律部隊宿舍，是高鐵隧道在地底鑽過的建築物之一，街坊約在九月尾、十月初時發現外牆整幅下墜，大片瓦仔移位剝落。「舊樓裂，佢（港鐵）就話我哋本身舊，有裂紋好平常，呢幢嘢咁新，無端端點會爛成咁？之前都無咁樣的。」莫先生說。