中秋一支公 阿人撐民運

【明報專訊】中秋節象徵人月兩圓，平時幾咁忙嘅立法會議員都要小休一陣。忙完選舉嘅民主黨胡志偉笑言，噚晚一定要返屋企「交人」，先去老婆娘家再返自己屋企；民建聯蔣麗芸亦一早同爸爸蔣震食飯。不過，工黨兼支聯會主席李卓人就選擇將中秋晚奉獻畀民運人士，到尖沙嘴鐘樓力撐支聯會搞嘅「中秋民主燈火行動」。


胡志偉「交人」四圍走

阿人話，佢唔係特別偉大，將民運放喺家庭之上，而係佢呢排真係「孤家寡人」，事關佢太太去咗外國開會，囡囡又喺紐約讀書，剩低佢一個喺香港。雖然未能同家人共度中秋，但阿人亦好欣慰支聯會嘅民主燈火行動成功，因為場地嘅六四影片同展板長期吸引近80人圍觀，唔少仲係自由行