蘋果又一城店 禮拜六開張

【明報專訊】家度度都對經濟低迷叫苦連天，但始終有啲公司可以玩得風生水起，蘋果電腦啱啱公布，iPhone 5首3日全球就賣出了500萬部。蘋果將會喺9月29日喺九龍塘又一城開多一間新店，因為一間店實在招架唔住來自大中華地區嘅熱情「果粉」。各位想出番部iPhone 5，就唔使一定要去IFC商場逼了。


蘋果話，中國今年就可能成為全球最大嘅智能機市場啦，而且啲消費者愈來愈有技術眼光，當然會落重本繼續喺中國市場嘅佔領行動啦。所以，除咗現有嘅5間開喺中國嘅旗艦店，蘋果計劃繼續喺成都、深圳等城市開店，要與中國消費者有更多親密接觸啦！