祈福新邨設投票專車

【明報專訊】立會選舉臨近，近日網上流傳一張廣州祈福新邨嘅海報相片，話屋苑會喺9月9日安排大巴免費接載港人返港投票，即時惹起臆測。


Emily打電話返內地問個究竟，屋苑服務部職員話，公司想方便住客，搭巴士唔收錢，但只限一班，公司會將住客送到皇崗口岸就算，住客要自己過關返香港。至於點解咁安排，職員就話唔清楚。


另外有中資保險公司朋友同Emily講，近日收到高層電話，提醒記住去投票，上司雖然無叫下屬投邊個，但就溫馨提示應投愛國愛港嘅候選人；投票後，仲要打電話向上級匯報。