何君堯叫勿「小環境化大」

【明報專訊】成日標榜自己似阿凡達嘅何君堯（左），噚日就帶住由助選團扮嘅「阿凡達」坐車穿梭新西巡遊拉票。何君堯前日喺新西選舉論壇同余若薇開火，又將國教科扯上盧旺達大屠殺，唔少人都覺得無厘頭，噚日佢就幫自己解畫，話學生唔應該傷害自己身體、將「小環境化大」。


何君堯認為，大家應該着眼點樣搞好國民教育、對教材內容達到共識，好不滿余若薇將香港形容到好似淪陷咗咁樣，向唔聲援嘅人亂扣帽子。佢又話就快開學，既然學生已表達訴求，大家應該叫啲學生回家，而唔係喺度「火上加油」。何又講番佢嘅盧旺達言論，話國民教育相比世界好多不幸嘅事只係一個「小環境」，如果余若薇同班學生走去關心大屠殺呢啲事，佢就讚好喇。


（丘楚怡攝）