陳裕光花紅 少了400萬

【明報專訊】喺大家樂（0341）掌舵20多年嘅陳裕光，早已事先張揚話係時候退休，到今年4月正式轉任非執行主席。不過佢揸旗最後一年面對租金、人工、食物成本「三高」情况，大家樂自2003年SARS以來首次錄得盈利倒退，純利按年跌咗8 %，連陳裕光的花紅都少咗400萬元。


盈利倒退 董事薪酬齊減

舊年大家樂收入大增12％，不過純利畀成本大漲拖累下跌，當時仲係首席執行官嘅陳裕光，董事酬金難免大縮水，噚日大家樂嘅年報顯示，佢由2011年穩袋過千萬元，跌到得600萬元，當中花紅較上年少咗成400萬元。新接任執行官嘅羅開光酬金亦只袋咗834萬元，比舊年少咗140萬元。