11朵粉紅玫瑰花 迎接恒生新一姐

【明報專訊】恒生銀行（0011）副董事長兼行政總裁梁高美懿交棒畀李慧敏，傳媒好友正密切期盼Rose（李慧敏的洋名）幾時初試啼聲，同記者傾下偈。Rose尋日履新，新官上任嘅佢，第一日返工就收到好大束玫瑰花，不過就唔係99朵咁浪漫，而係11枝嫩嫩粉紅色的玫瑰花。


送花嘅唔係佢老公、前盈科保險主席袁天凡，而係恒生中國副董事長兼行政總裁薛關燕萍，代表員工送上玫瑰，歡迎新老細加入恒生大家庭，11朵花係代表恒生嘅股份編號「11」。Rose手捧玫瑰，紅光滿面，美滋滋影咗一幅靚相。


當然，除咗收玫瑰、影相，Rose昨天嘅主要工作係主持高層會議，並計劃上任後如何到分行了解前線運作，也少不了與員工交流。這位新一姐一定都好想做好呢份工啦。