新聞類別
財經
詳情#
【明報專訊】瑞銀貴為金融界大行之一，出名高薪挖角無手軟。之不過喺留住人才方面，可能就差啲喇。事關小琴收到風，繼陸東早幾年出走瑞銀，自立門戶之後，呢排又多咗個星級分析員走人，佢就係喺曝光率都好高嘅唐志剛。話說當年瑞銀前中國策略師何顯鴻離職後，瑞銀喺個市場度係咁獵頭。不過，佢哋都要搵成年幾兩年，到09年先至喺摩通手上，挖阿唐志剛嚟接手。點知佢做唔夠3年就走人，仲好似陸東咁搞隻「芬」添。
記得今年1、2月嗰陣，間間大行啲生意都唔多好，瑞銀都係有裁員嘅大行之一，而小琴聽講唐志剛，都係嗰段時間決定辭職走人，理由好似係想多啲時間陪下個囝囝，一家人享受天倫樂。
同老友拍住上 上海搞 「芬」
小琴搵番啲新聞睇下，的確係自從2月之後，就無見過阿唐生出嚟分析下個市，皆因瑞銀有規定要3個月嘅過冷河時期，其間唔接受得傳媒訪問。呢3個月佢就同個金融界嘅老友，齊齊拍住上喺上海搞間基金公司，自己仲做埋合伙人。
公司名叫做朗瑞資本，咦，連個名都有個「瑞」字喺度，唔通係懷念舊老闆。其實小琴覺得，瑞銀搵得番去嘅都係精英嚟，唔少金融精英都想創業試一試自己嘅實力。咁又難怪佢哋嘅星級分析員，做咗一段時間之後都會走啦。
email:piano@mingpao.com
記得今年1、2月嗰陣，間間大行啲生意都唔多好，瑞銀都係有裁員嘅大行之一，而小琴聽講唐志剛，都係嗰段時間決定辭職走人，理由好似係想多啲時間陪下個囝囝，一家人享受天倫樂。
同老友拍住上 上海搞 「芬」
小琴搵番啲新聞睇下，的確係自從2月之後，就無見過阿唐生出嚟分析下個市，皆因瑞銀有規定要3個月嘅過冷河時期，其間唔接受得傳媒訪問。呢3個月佢就同個金融界嘅老友，齊齊拍住上喺上海搞間基金公司，自己仲做埋合伙人。
公司名叫做朗瑞資本，咦，連個名都有個「瑞」字喺度，唔通係懷念舊老闆。其實小琴覺得，瑞銀搵得番去嘅都係精英嚟，唔少金融精英都想創業試一試自己嘅實力。咁又難怪佢哋嘅星級分析員，做咗一段時間之後都會走啦。
email:piano@mingpao.com
回應 (0)
