炒黃岩島打仗 造船股急漲

【明報專訊】打仗往往會為金融市場帶來衝擊，猶記得美國遭遇九一一事件後，股市匯市通通大跌。近一兩年，每當北韓有咩小動作，南韓股市都會應聲下挫。


不過今次嘅情况有啲唔同，中國同菲律賓就黃岩島嘅主權爭議白熱化起來，反而刺激中港軍工股、造船股大漲。


A股亞星舜天漲停

有報道話，喺黃岩島海域嘅中方船隻由上星期嘅14艘增加至噚日嘅33艘。唔知市場係咪以為，如果戰爭一旦爆發，中國對船隻嘅需求會急促上升，於是造船股，例如內地嘅亞星錨鏈同舜天船舶漲停，中船股份升幅都超過一成，就連香港嘅廣船（0317）同熔盛重工（1101）都一度升逾半成同2.8％。


不過，如果真係打起上黎，大家都想賣晒啲資產套現，股市遲早會跌，站在金融市場同世界和平嘅立場，小琴都唔希望見到戰爭出現。