新聞類別
財經
詳情#
【明報專訊】幫香港政府提供電子貿易服務嘅供應商貿易通（0536），噚日出咗份關連交易通告，話旗下一間公司奪得政府一個招標項目，將會為香港警務處提供智能委任證系統，為期10年。
原本做成單千萬唔夠嘅生意可以唔使出通告，之不過貿易通其中一個主要股東FSI係港府全資擁有嘅，咁所以按上市公司規定，政府係貿易通關連方，因此呢單交易有需要同大家交代吓。
簡單講，單生意就係政府透過招標，交咗畀由佢做主要股東嘅貿易通間子公司去做，論資排輩都算係阿爺畀生意個孫做。
講番單生意，貿易通將會為警務處推行嘅智能委任證系統提供安裝、調試、支援同維護等等服務，一次過作價889.7萬元；而響合約期內，每年再收7萬元作為系統發展提供技術支援服務，而第二年起會就維護服務每年收203.5萬元。
非執董係高官 決議要避嫌
除咗單生意同政府有關連需要出通告之外，貿易通仲要補充解釋，響董事會決議嗰陣，因為去年獲委任嘅非執行董事曾愛蓮係政府公務員，所以響呢單生意上有需要避嫌，唔參與投票。
小琴八卦查番，原來曾愛蓮現任財經事務及庫務局（庫務科）首席助理秘書長（庫務），難怪響身分上同單生意有衝突。
email:piano@mingpao.com
原本做成單千萬唔夠嘅生意可以唔使出通告，之不過貿易通其中一個主要股東FSI係港府全資擁有嘅，咁所以按上市公司規定，政府係貿易通關連方，因此呢單交易有需要同大家交代吓。
簡單講，單生意就係政府透過招標，交咗畀由佢做主要股東嘅貿易通間子公司去做，論資排輩都算係阿爺畀生意個孫做。
講番單生意，貿易通將會為警務處推行嘅智能委任證系統提供安裝、調試、支援同維護等等服務，一次過作價889.7萬元；而響合約期內，每年再收7萬元作為系統發展提供技術支援服務，而第二年起會就維護服務每年收203.5萬元。
非執董係高官 決議要避嫌
除咗單生意同政府有關連需要出通告之外，貿易通仲要補充解釋，響董事會決議嗰陣，因為去年獲委任嘅非執行董事曾愛蓮係政府公務員，所以響呢單生意上有需要避嫌，唔參與投票。
小琴八卦查番，原來曾愛蓮現任財經事務及庫務局（庫務科）首席助理秘書長（庫務），難怪響身分上同單生意有衝突。
email:piano@mingpao.com
回應 (0)
