新聞類別
財經
詳情#
【明報專訊】「生意淡薄，不如賭博」，呢啲打工仔嘅戲言你我都講得多，但真係冇生意起上嚟，老細又狂捽數，唔通真係過大海咩？當然係死死地氣搵生意，如果搵唔到新客，自然就箍住啲大客為上策。外資大行都唔例外，好似周大福珠寶（1929）早兩日搞咗個拍賣會，雖然唔多人知，不過德銀就出報告讚，話咁做對周大福形象有正面作用，維持買入評級。
鄭志剛統籌 共賣2500萬元
其實個拍賣會係由彤叔鄭裕彤長子嫡孫鄭志剛（Adrian）統籌兼擔任藝術總監，一共拍咗12套珠寶首飾，賣咗2500萬銀，比起之前估價3000萬低咗啲。雖然係咁，德銀噚日出份報告就話，周大福八成生意集中喺大眾奢侈市場（mass luxury market ，唔好問小琴點解），而個拍賣會又安排咗公司啲VIP客捧場，德銀相信呢類活動可以省靚周大福個招牌，傳媒又會廣泛報道，可以提升佢喺大眾奢侈市場嘅地位，畀周大福目標價18.53元。
小琴記得，早排阿彤叔仲未宣布退休果陣，接受咗某電視台訪問，帶主持人去周大福，教人點樣揀珠寶。
其實Adrian都可以照辦煮碗，帶啲傳媒去揀珠寶，橫掂Adrian咁有品味，做得藝術總監，教揀珠寶一定難佢唔到，到時又可以收宣傳之效，咁就一家便宜兩家着啦！
email:piano@mingpao.com
鄭志剛統籌 共賣2500萬元
其實個拍賣會係由彤叔鄭裕彤長子嫡孫鄭志剛（Adrian）統籌兼擔任藝術總監，一共拍咗12套珠寶首飾，賣咗2500萬銀，比起之前估價3000萬低咗啲。雖然係咁，德銀噚日出份報告就話，周大福八成生意集中喺大眾奢侈市場（mass luxury market ，唔好問小琴點解），而個拍賣會又安排咗公司啲VIP客捧場，德銀相信呢類活動可以省靚周大福個招牌，傳媒又會廣泛報道，可以提升佢喺大眾奢侈市場嘅地位，畀周大福目標價18.53元。
小琴記得，早排阿彤叔仲未宣布退休果陣，接受咗某電視台訪問，帶主持人去周大福，教人點樣揀珠寶。
其實Adrian都可以照辦煮碗，帶啲傳媒去揀珠寶，橫掂Adrian咁有品味，做得藝術總監，教揀珠寶一定難佢唔到，到時又可以收宣傳之效，咁就一家便宜兩家着啦！
email:piano@mingpao.com
回應 (0)
