新聞類別
財經
詳情#
【明報專訊】周星馳「前知己」于文鳳，近年喜歡投資啲股仔玩吓，不過論投資眼光，于小姐就唔似得曾經買入山頂豪宅天比高，賺到開巷嘅「好友」星爺喇，相反有啲摸頂feel。好似上個禮拜叁龍國際（0329）批股，于文鳳以每股0.138接咗近7870萬股，用咗成過千萬元，佔擴大後股本12.65%。
可惜叁龍股價唔多生性，噚日無啦啦急插近三成，收市得番0.081元，又變返做仙股，于小姐揸嘅貨幾日間帳面輸咗400幾萬銀，夠買層美孚新邨，或者養大一個小朋友。不過，正所謂有賭未為輸，幾百萬對小琴呢啲打工仔來講唔係小數目，但對於香港建設（前「熊谷組」）嘅太子女嚟講應該唔算啲乜，何况一日未埋單一日都未分勝負。
叁龍急插三成 幾日帳面輸400幾萬
其實于文鳳同叁龍已經好熟吓，早喺2010年叁龍仲係叫「如烟」嘅時候，于小姐已經試過多次入股，合共買咗3億幾股，價錢大約係0.1元。「如烟」當時都因此炒過幾日，但之後公司公布40合1再1供20嘅抽水大計，股價即時插水，于小姐帳面短短個幾月間唔見一半，最終一年後以每股0.11元沽出咗近3000萬股。究竟于小姐呢一役蝕咗幾多，呢條咁複雜嘅數學題，小琴真係唔多識計。
不過，于小姐有咗上次嘅經驗，今次都肯再次入股，小琴相信佢有佢嘅盤算。叁龍或者于小姐仲有咩後着？大家要拭目以待。
email:piano@mingpao.com
可惜叁龍股價唔多生性，噚日無啦啦急插近三成，收市得番0.081元，又變返做仙股，于小姐揸嘅貨幾日間帳面輸咗400幾萬銀，夠買層美孚新邨，或者養大一個小朋友。不過，正所謂有賭未為輸，幾百萬對小琴呢啲打工仔來講唔係小數目，但對於香港建設（前「熊谷組」）嘅太子女嚟講應該唔算啲乜，何况一日未埋單一日都未分勝負。
叁龍急插三成 幾日帳面輸400幾萬
其實于文鳳同叁龍已經好熟吓，早喺2010年叁龍仲係叫「如烟」嘅時候，于小姐已經試過多次入股，合共買咗3億幾股，價錢大約係0.1元。「如烟」當時都因此炒過幾日，但之後公司公布40合1再1供20嘅抽水大計，股價即時插水，于小姐帳面短短個幾月間唔見一半，最終一年後以每股0.11元沽出咗近3000萬股。究竟于小姐呢一役蝕咗幾多，呢條咁複雜嘅數學題，小琴真係唔多識計。
不過，于小姐有咗上次嘅經驗，今次都肯再次入股，小琴相信佢有佢嘅盤算。叁龍或者于小姐仲有咩後着？大家要拭目以待。
email:piano@mingpao.com
回應 (0)
