黃錦康今離職

【明報專訊】龍頭代理美聯集團（1200）今年初一度鬧出管理層變動風波，噚日再有新發展，就係現任副主席兼執行董事黃錦康已呈辭，今日（5月3日）起生效。美聯噚日發公告，話黃錦康因私人理由呈辭，仲話佢同董事會無意見分歧喎。


Albert（黃既洋名）曾經係美聯嘅風頭躉，在傳媒既曝光率甚於主席黃建業。佢08年4月入美聯做首席執行顧問，同年9月升任高級執行董事；舊年3月再升任集團副主席、再兼董事總經理，風頭十足，其間更多次係公開場合，甚至電視節目內表演太極。


踏入今年，美聯屢傳管理層變動風波，加上早前經歷喪子之痛，令Albert淡出既傳聞甚囂塵上。事實上，美聯喺2月就公布Albert轉為副主席兼執行董事，而董事總經理一職就由主席黃建業親自揸旗，黃建業之後成立咗一個管理委員會，話要提升公司效益，委員會成員中卻獨漏Albert。


Albert今日仲會同傳媒茶敍，講下佢嘅新去向，小琴有時間必定會去八一八。