新聞類別
財經
詳情#
【明報專訊】噚日3隻新股同時掛牌，其中包括今年以來最重量級嘅海通證券（6837），令到前來捧場嘅人幾乎擠爆上市大廳，啱啱港交所新任主席周松崗獻上自己嘅「處子秀」，有到場記者就同小琴講，周主席噚日整體表現都幾到位，尤其係佢嘅燦爛笑容，令人印象深刻。
不過，若要挑小小瑕疵嘅話，就係主席接受傳媒採訪時，如果用詞再精準啲、再Update啲就更好啦。
喺儀式正式開始前，傳媒已得悉周松崗會露面，不過港交所就未應承周主席會見傳媒，淨係先收集晒傳媒想問嘅問題。儀式開始後，周松崗如期到來，佢同3家新上市公司嘅管理層逐一影相，接受公司贈送紀念品，整個過程加加埋埋有成好幾個字時間，其間周松崗一路展露自己嘅招牌笑容、姿態親切。
臨尾，周主席都行到鏡頭前接受傳媒訪問。對於大家關注嘅民企風暴同新股質素問題，周主席嘅回答都幾得體，佢先強調港交所十分重視上市公司嘅質素，又指世界環境瞬息萬變，令到上市公司嘅客戶、技術、產品同服務都會發生變化。
立法草案「過咗」講「遞咗」
不過對於港交所嘅工作情况，周主席就稍顯生疏。當佢講到有關信息披露法例嘅修訂時，就話「我哋有個法例修，現在已經遞咗去立法會，其中都有個民事跟進程序。」事實上，響呢個星期三（25日），立法會已經三讀通過咗《2011年證券及期貨（修訂）條例草案》，睇嚟周主席嘅首要工作真係好似佢自己咁講嘅，要「熟悉吓港交所運作」。
email:piano@mingpao.com
不過，若要挑小小瑕疵嘅話，就係主席接受傳媒採訪時，如果用詞再精準啲、再Update啲就更好啦。
喺儀式正式開始前，傳媒已得悉周松崗會露面，不過港交所就未應承周主席會見傳媒，淨係先收集晒傳媒想問嘅問題。儀式開始後，周松崗如期到來，佢同3家新上市公司嘅管理層逐一影相，接受公司贈送紀念品，整個過程加加埋埋有成好幾個字時間，其間周松崗一路展露自己嘅招牌笑容、姿態親切。
臨尾，周主席都行到鏡頭前接受傳媒訪問。對於大家關注嘅民企風暴同新股質素問題，周主席嘅回答都幾得體，佢先強調港交所十分重視上市公司嘅質素，又指世界環境瞬息萬變，令到上市公司嘅客戶、技術、產品同服務都會發生變化。
立法草案「過咗」講「遞咗」
不過對於港交所嘅工作情况，周主席就稍顯生疏。當佢講到有關信息披露法例嘅修訂時，就話「我哋有個法例修，現在已經遞咗去立法會，其中都有個民事跟進程序。」事實上，響呢個星期三（25日），立法會已經三讀通過咗《2011年證券及期貨（修訂）條例草案》，睇嚟周主席嘅首要工作真係好似佢自己咁講嘅，要「熟悉吓港交所運作」。
email:piano@mingpao.com
回應 (0)
