「私募教父」趙丹陽 否認回歸A股

【明報專訊】市場一向對擁有「乜乜股神」、「乜乜之父」稱號嘅股壇明燈尤其關注，噚日內地各大報章就報道話，有「私募教父」之稱的趙丹陽在2008年淡出A股市場後，家話覺得A股好抵，有意出山。但趙教父噚日就對小琴話，呢啲報道純屬誤會，佢並無重出江湖嘅意思。


買咗中國公司 都唔代表睇好A股

話說教父喺一封《致投資者的一封信》聲稱過去一年喺印度市場損手爛腳，家見到A股嘅泡沫釋放，佢未來會返番嚟中國，仲話搵緊一啲值得投資嘅公司。不過小琴噚日搵教父求證，教父講咗3次「純粹係誤解」，話自己只係買咗一啲中國公司，唔代表重新睇好A股。


小琴諗，教父嘅意思可能係買咗一啲私人公司，同個股市無關。查實A股投資者一年失望過一年，市場都希望有啲消息刺激下，但恐怕今次又係得個桔。