新聞類別
財經
詳情#
【明報專訊】小琴早前寫過前獅子銀行華人大班鄭海泉，上個禮拜突然辭去太古地產（1972）獨立非執行董事一職，但仍然留任中電（0002）、鷹君（0041）、港鐵（0066）同匯賢產業（87001）嘅董事。鄭大班只係做咗兩年就引退，惹來唔少猜測，其中一個傳聞話佢會加入近排是非多多嘅新鴻基地產（0016）做獨立非執董。
不過，有朋友打探過接近新地嘅人士，又話冇聽聞過鄭大班會做董事。
配合新例 新地年底前要增獨董
而肯定係事實嘅，就係新地需要搵多啲獨立董事，因為港交所（0388）要求上市公司有三分之一嘅董事係獨董，由今年底起生效。但新地只得4位獨董，喺18人嘅董事會仲未有耐夠三分之一。所以，唔理郭氏兄弟有冇畀老廉查，新地都要搵多幾名獨立非執董。
小琴就覺得以鄭大班咁德高望重，加入做獨董，對提升新地公司管治形象，未嘗無好處。
早前收到嘅傳聞係咁講，話新地同太古地產都喺香港做地產，係直接競爭對手，所以鄭大班做得新地非執董就要辭去太古地產一職。
但畢竟鄭大班早兩年身體抱恙，近排先至叫做好番啲。早前記者朋友喺北京兩會見到佢，面色都幾好。但係加入新地做獨董，一個唔覺意兩位聯席主席郭炳江、郭炳聯兄弟真係被老廉落案起訴，一班獨董又要忙於開會應付，鄭大班若真係出任，可說係任重道遠啦。
email:piano@mingpao.com
不過，有朋友打探過接近新地嘅人士，又話冇聽聞過鄭大班會做董事。
配合新例 新地年底前要增獨董
而肯定係事實嘅，就係新地需要搵多啲獨立董事，因為港交所（0388）要求上市公司有三分之一嘅董事係獨董，由今年底起生效。但新地只得4位獨董，喺18人嘅董事會仲未有耐夠三分之一。所以，唔理郭氏兄弟有冇畀老廉查，新地都要搵多幾名獨立非執董。
小琴就覺得以鄭大班咁德高望重，加入做獨董，對提升新地公司管治形象，未嘗無好處。
早前收到嘅傳聞係咁講，話新地同太古地產都喺香港做地產，係直接競爭對手，所以鄭大班做得新地非執董就要辭去太古地產一職。
但畢竟鄭大班早兩年身體抱恙，近排先至叫做好番啲。早前記者朋友喺北京兩會見到佢，面色都幾好。但係加入新地做獨董，一個唔覺意兩位聯席主席郭炳江、郭炳聯兄弟真係被老廉落案起訴，一班獨董又要忙於開會應付，鄭大班若真係出任，可說係任重道遠啦。
email:piano@mingpao.com
回應 (0)
