澳門豪宅盤 廚廁每套盛惠100萬

【明報專訊】香港曾經出現過一輪以超豪廚櫃同浴室用料來促銷樓盤嘅熱潮，估唔到最近澳門亦有樓盤使出同一殺手鐧，以每戶耗資可達百萬元的廚廁用具，來為物業添身價。


邊個樓盤咁厲害？原來係由香港上市公司德祥地產（0199）、南豐，以及澳門東聯投資、私慕基金宏璟資本同實德環球集團合作嘅澳門金峰•南岸最新一期「尚譽」。樓盤中嘅廚房（圖），採用咗德國Poggenpohl櫥櫃、Miele爐具和電器等，浴室用料設備則包括西班牙Roca的Malibu系列浴缸、德國Duravit與設計大師Philippe Starck合作設計嘅坐廁、意大利Gessi嘅浴室配件等，每戶成本要80萬至100萬元。


除咗廚廁巴閉，個樓盤住宅會所有成30萬方呎，亦用了5億元來打造。