豬商新股名字有來頭

【明報專訊】家陣愈來愈多新股起個名好有娛樂性，小琴近日一聽到普甜呢個名就覺得好好笑，再收到本招股書就更趣致，本書嘅封面係粉紅色，上面有啲生豬、死豬同豬肉，仲有啲豬型暗花，十足十衛生局貼係街市啲防豬流感海報咁。但一間賣豬肉的公司因咩解究叫普甜呢？


總部坐落福建莆田市

小琴八番嚟，原來因為普甜總部坐落福建省莆田市，莆田、普甜，取其諧音也。咁普甜業務係咩呢？簡單啲講就係由養豬、屠豬到豬肉銷售都係由普甜一條龍做晒，所以都咪話唔大，淨係2010年嘅收入就達到4億。所以都抵佢賣豬都賣到上市。


原來大家都幾睇好呢一行，消息話國際配售部分反應良好，仲話，公開發售首日大概已有1100萬元孖展認購，佔公開發售額3000萬元的差唔多三成。