調查：女主管比例高 股價較穩

【明報專訊】湯森路透最近出咗份報告，話一間公司管理層女性比例較高，公司嘅股價就較穩定。調查訪問咗2600間中小型上市公司，主要係睇吓2005年至2010年嘅職場男女平等趨勢。


報告又話，雖然喺男女僱員比例上女性比例上升咗，不過就只有小部分女性居管理職位。以香港同中國為例，所有僱員中女性比例佔41%，但女性管理者就只係佔27%。而醫療保健行業，服務行業同金融行業就喺呢方面做得比較好，在2005年，女性金融業經理佔28%，而在2010年，這個比率上升至33%。


不過另一個調查結果就比較難以理解，調查指出，原來係股市動盪嘅時候，呢類較多女性管理者的公司的股價會表現得比較好。到底係因為女管理層決策較保守，令公司表現比較穩定，定係其他原因呢？不過如果係真嘅話，買股票嘅人士就可以多一個參考數字喇。