新聞類別
財經
詳情#
【明報專訊】小琴聽講，恒生銀行（0011）執行董事馮孝忠噚日下晝去咗恒生管理學院，同啲同學仔分享熱門財經議題，由08金融海嘯開始，一直講到歐債危機嘅最新動向。佢講到，成個社會經歷咗海嘯嘅教訓之後，有啲西方國家民眾開始唔妥銀行家嘅投機行為，「我去到英國都唔敢話自己係銀行家」。所以，間間銀行都要開始更加小心、減少投機，注重番最傳統嘅存款、貸款業務。
最得意嘅係，佢話而家仲多咗幫有錢人做「財富管理」，小琴初初聽到以為係啲秘密嘅揾錢工具，點知馮生跟住話，「譬如處理遺囑啊、安排下慈善啊，其實幾好㗎」。哦，原來呢種「財富管理」關乎到生老病死同埋社會責任，銀行如果回歸到呢類業務，咁就真係「腳踏實地」啦。
「去英國唔敢話自己係銀行家」
講到當前嘅歐洲情形，馮孝忠話好難預測，雖然「死唔去」，不過衰退難以避免，事態發展就最終要睇政治因素同埋市場氣氛，「齋學經濟都冇用」。佢仲坦白講，自己唔識希臘文、德文呢啲外語，想用第一手資料分析民情，「仲難過睇美國」。
小琴心諗，如果連馮生都話要「按月睇」，小琴就更加不知何去何從。都難怪馮生會預測，銀行業短期唔會再出現類似IPO、槓桿呢啲「搵快錢」嘅方式，鼓勵在場年輕人都係「練好基本功」、好好計劃自己嘅職業生涯啦。
email:piano@mingpao.com
最得意嘅係，佢話而家仲多咗幫有錢人做「財富管理」，小琴初初聽到以為係啲秘密嘅揾錢工具，點知馮生跟住話，「譬如處理遺囑啊、安排下慈善啊，其實幾好㗎」。哦，原來呢種「財富管理」關乎到生老病死同埋社會責任，銀行如果回歸到呢類業務，咁就真係「腳踏實地」啦。
「去英國唔敢話自己係銀行家」
講到當前嘅歐洲情形，馮孝忠話好難預測，雖然「死唔去」，不過衰退難以避免，事態發展就最終要睇政治因素同埋市場氣氛，「齋學經濟都冇用」。佢仲坦白講，自己唔識希臘文、德文呢啲外語，想用第一手資料分析民情，「仲難過睇美國」。
小琴心諗，如果連馮生都話要「按月睇」，小琴就更加不知何去何從。都難怪馮生會預測，銀行業短期唔會再出現類似IPO、槓桿呢啲「搵快錢」嘅方式，鼓勵在場年輕人都係「練好基本功」、好好計劃自己嘅職業生涯啦。
email:piano@mingpao.com
回應 (0)
