溫總囝囝威力 衛通嘅仔都飈兩成

【明報專訊】亞太衛星（1045）昨日大升兩成，收市報2.24元。大升嘅原因，係其控股公司，內地A股上市公司中國衛通前日宣布，將委任溫總嘅長子、現任副董事長溫雲松接替雷凡培出任董事長一職。


公司發不明股價升因通告

公司投資者關係部李小姐昨日回應小琴嘅同事查詢，對於溫雲松擔任董事長後，公司是否會有業務層面嘅變化就話不知情。公司昨日更應聯交所要求，發聲明指不知悉股價及成交上升之任何原因，並確認並無任何有關收購或變賣商談或協議須按例披露。


中國衛星通信2001年底成立，係由國資委管理嘅央企，也係中國6大基礎電信運營商之一。去年全年營業收入按年增長15.7%，達28.8億元（人民幣•下同）；稅前利潤升16.6%至6.08億元。