新聞類別
財經
詳情#
【明報專訊】朝鮮官媒喺金正日逝世後，即時將佢再神話化。話佢死後長白山現萬道紅光，丹頂鶴都來致哀。連出殯嗰日落大雪，都可以講成個天係為佢而喊。
金正日係咪神話就唔知，但肯定有個「神話」早早現身。話說有內地眼尖嘅網民發現，喺送殯行列有架警車開路。呢架警車唔係普通料咁簡單㗎，睇真啲個車頭度，有比亞迪（1211）個標誌，車款更加勁似F6型。
金正日舊年訂百幾輛F3
小琴真係諗都諗唔到，喺內地賣車賣得麻麻嘅比亞迪，竟然喺個咁重要嘅場合度現身，唔通比亞迪神話再現？根據朝鮮傳媒報道，舊年金正日生日嗰陣，喺中國入咗成百幾架比亞迪F3型，用嚟送畀啲班手下，籠絡人心。
就算市場唔賣比亞迪嘅帳，就算業績倒退，比亞迪一樣無有怕。梗係啦，前有股神巴菲特加持，後有金正日靈魂護體，兩大光環套喺身上。照咁睇，呢鋪比亞迪仲唔係年尾流流，執番個尾彩，都咪話間公司唔犀利呀。
獲中證監批准發60億人債
可能有名人捧連條路都好行啲，當年股神一話入股，股價即刻升到嘭嘭聲。最近，公司又攞咗中證監個批准，可以發行唔超過60億元人民幣嘅公司債券，諗住用嚟清咁啲債，第1期會喺6個月內搞掂。
email:piano@mingpao.com
金正日係咪神話就唔知，但肯定有個「神話」早早現身。話說有內地眼尖嘅網民發現，喺送殯行列有架警車開路。呢架警車唔係普通料咁簡單㗎，睇真啲個車頭度，有比亞迪（1211）個標誌，車款更加勁似F6型。
金正日舊年訂百幾輛F3
小琴真係諗都諗唔到，喺內地賣車賣得麻麻嘅比亞迪，竟然喺個咁重要嘅場合度現身，唔通比亞迪神話再現？根據朝鮮傳媒報道，舊年金正日生日嗰陣，喺中國入咗成百幾架比亞迪F3型，用嚟送畀啲班手下，籠絡人心。
就算市場唔賣比亞迪嘅帳，就算業績倒退，比亞迪一樣無有怕。梗係啦，前有股神巴菲特加持，後有金正日靈魂護體，兩大光環套喺身上。照咁睇，呢鋪比亞迪仲唔係年尾流流，執番個尾彩，都咪話間公司唔犀利呀。
獲中證監批准發60億人債
可能有名人捧連條路都好行啲，當年股神一話入股，股價即刻升到嘭嘭聲。最近，公司又攞咗中證監個批准，可以發行唔超過60億元人民幣嘅公司債券，諗住用嚟清咁啲債，第1期會喺6個月內搞掂。
email:piano@mingpao.com
回應 (0)
