風險管理 非富豪專利

【明報專訊】風險管理非富豪的專利，普羅大眾以簡單的步驟也能作出風險管理。梁彥穎感慨時下年輕人因缺乏相關知識而招致惡果，「絕對係教育不足，投資、借貸、法律嘅風險，喺學校完全唔教，好驚訝家啲年輕人簽卡，覺得最低還款額好抵，但佢地唔知道最低還款背後嘅利息有成30厘，用30厘息享受未來嘅嘢，我覺得呢啲係財務知識不足。」

不要輕易簽署個人擔保

王港有稱「要執行風險管理策略，代價唔係好高」，平日簡單、成本低的手續亦能發揮一定程度的風險管理。他舉例，「你借5萬蚊畀人，如不方便開口寫借據，可以開張支票，影印埋叫佢簽收番，寫明幾年幾月幾日，起碼證明你借過5萬蚊畀人，就算有日佢唔認畀過錢佢，你都有證據。」因此，即使不用到律師樓簽訂借貸文件，也可做到不同程度的風險管理。

此外，人們往往忽視擔當擔保人的風險，王港有反對簽署個人擔保，「等如朋友要向街外借錢，你同佢簽咗個人擔保，等如提供無限量支持，分分鐘可以連累到自己破埋產」，因此不能小覷一個簽名的破壞力，背後的風險可能大到不能承受。