新聞類別
財經
詳情#
【明報專訊】一向低調嘅中航科工（2357）噚日出咗份新聞稿，話公司持續擴大航空製造業務的研究、開發、製造和銷售規模，喺第12屆迪拜國際航空展上，「中航科工旗下Z9多用途直升機、K8噴氣教練機、L15高級教練機及Y12輕型多用途飛機等產品模型受到關注，為進一步開拓國際市場打下基礎」。
長實持股逾5%
老老實實，呢類型嘅新聞稿能夠見報嘅機會真係少之又少，不過份新聞稿啲重點其實係喺第三段，話「中航科工發展前景亦獲本港首富李嘉誠先生關注，長江實業（0001）近期購入公司股票，共計持有1.012億股，佔中航科工H股總數的5.02%。」
能夠獲得誠哥「點燈」嘅股票一向有運行（雖然唔知行幾耐），而誠哥增持嘅消息喺今個禮拜二收市後曝光，中航科工個股價噚日即急彈10個巴仙，難怪中航科工即日要出番份稿賀一賀！
回應 (0)
