9月民企股狂跌

【明報專訊】有「股壇金手指」之稱嘅惠理基金謝清海，投資多隻民企均中招，旗下惠理集團（0806）管理資產值，喺9月仲減少兩成，差過同期恒指表現，唔通呢隻金手指已經失效？

惠理主席謝清海一向信奉價值投資理論，鍾情二、三線股及民企股，不過成也民企、敗也民企，因為一眾民企就喺之前大跌市中跌得最甘，集團今次管理資產值由8月底85億美金，跌到9月底得番68億美金，跌幅達到兩成，同期恒指都係跌14％。跌得甘可能係因為惠理的持股跌得比恒指勁，亦可能係畀錢佢管嘅投資者，要贖回基金套現。

睇返惠理個股價，9月直頭跌咗三成咁多㖭！恒指喺10月初觸底回升，惠理個價都升返上去，喺10月初至家升咗37％，恒指就升咗7％。即係恒指跌，佢就跌得甘過恒指，恒指升佢就升得仲勁，老散唔知會唔會覺得佢好炒呢？