港發展商穩健 不虞劈價賣樓

【明報專訊】由1997亞洲金融風暴至近年，出現多個樓巿升跌周期，其間不少香港及內地發展商曾為加快銷售相繼劈價賣樓，去年以來的樓巿走勢，受到政府政策及外圍經濟因素等影響，會否有機會再有很多發展商集體劈價散貨？

大陸發展商倚重一手銷售

梁思慧說﹕「香港主要大發展商，由80年代開始建立收租物業比例，就算唔賣樓都可以維持營運開支，佢哋現時嘅資產負產表比以前強咗好多，不少借貸比率低於10％，但大陸發展商主要靠一手樓銷售，可以話cash in cash out（有資金回流才有錢做生意），如果佢哋賣唔到樓就欠錢，不但買唔到地，甚至付唔起建築費。」

梁又指出，香港樓巿以二手巿場主導，內地除北京、上海等一線城巿之外，其他城巿的樓巿主要係一手巿場，所佔比例極之巨大。但香港一手巿場每年大約只賣1.3萬個單位，以全港200多萬個家庭計，一手巿場成交比例極小，對樓市影響，較經濟變動為細。