成交減 助會員闢一手盤生意

【明報專訊】鄺志輝今年8月由香港專業地產顧問商會副會長的崗位，被選為會長，任期兩年。當選之時，本港樓巿正受外圍經濟不穩等因素令成交大挫，會員經營面臨頗大壓力，作為新任會長的他，要接受如何令會務妥善運作的挑戰。

料現中小型代理倒閉潮

鄺認為，今年樓巿轉差，5、6月已開始出現地產代理淘汰賽。倘若未來數月，每月整體物業成交量維持7月的7000多宗或更低數量，根本養唔起現時逾3.3萬個登記嘅地產代理，相信將有唔少中小型地產代理公司倒閉。

鄺表示，倘若二手樓巿交投持續下跌，估計難免有不少會員面對愈來愈大的經營壓力，任職期較短和客源不足的從業員，料有部分自然流失。

「咁嘅情况，我哋個會都要想啲開源方法，去幫有困難嘅會員，早前我哋向一啲現時有一手樓盤開賣嘅發展商接觸，要求對方推售一手樓盤時，除咗委託大型地產代理代銷之外，亦可以開放畀我哋嘅會員，等佢哋有機會做番一啲一手客幫補吓，同時可以替發展商增加客源。」