與數碼通正式分手

【明報專訊】Vodafone同數碼通（0315）分手後，立即另結新歡，同另一間本地電訊商和電香港（0215）聯盟，小琴聽和電香港講，公司已獲授權使用Vodafone品牌，但會唔會改名，就要等適當時候公布。小琴諗，話唔定會將「3」改名做「3-Vodafone」呢。若然屬實，唔知3香港會唔會放棄現時嘅黑色標誌，轉到Vodafone嘅招牌紅色，定係黑紅Crossover呢？

講到實際合作方面，其實除咗Vodafone同和電之外，Vodafone亦都參加了和電同其他亞洲電訊商組成嘅友好聯盟。相信今次同Vodafone聯盟之後，可以慳返啲成本，提供更優惠嘅漫遊服務，亦可以一齊提供電訊服務畀跨國企業咁話。