新聞類別
財經
詳情#
【蘋果日報】「貪」是人類天性，在香港一個奉行資本主義的自由市場，只要不犯法，賺錢方法基本上是完全自由。細個有冇炒過郵票紀念封？紀念直版鈔票、限量版figure、波鞋、閃卡……，大家只是利用需求與供給的不平衡來賺錢。
道德與否，底線放在哪裏？投資者與騙子的分別，只涉及一樣東西：是否作出虛假陳述。但有啲人連自己都呃埋，做事無底線，大不了俾人話兩句唱幾日，隔幾年善忘的香港人又會因「貪」忘歷史，唔係邊得咁多股票傳銷員、樓市人生導師同政治KOL等，香完又臭、臭完又香，隔一排冇人記得，無限復活。香港就是一個如此奇妙的地方，行正路難生活，行歪路易生存，發過豬頭身居要職都大有人在。面皮夠厚就得。
商場裏一套最上乘功夫叫「空手入白刃」，即無本生利。市場上有不少變魔術式財技，有些令人心悅誠服，也有更多「穿晒崩」扮高手嘅，真係拆穿都嫌費事。
黃子華棟篤笑26場完滿結束，這可寫入歷史，在香港33萬人入場睇一個人講嘢，應該是前無古人後無來者。但門票售賣過程問題多多，一場城中盛事，當然有人會趁機搵食，是否完全不道德？涉及上述哪一種情況呢？
空手入白刃最佳演繹
公開發售時，可賣門票數量極少，唔知點解黃牛黨則大把貨，搞到子華神都忍唔住拍片聲討，詳細原因沒清楚公佈，但當中涉及主辦單位及贊助商內部權力都幾肯定，而大量門票如何落入黃牛黨手上，大家心裏有數。
事件中最厲害是一班強國黃牛，他們採用最正宗的空手入白刃手法，他們兩手空空走到紅館，在港產黃牛身上低價買入，高價賣出給他們在Wechat內的客戶群，充分利用現時的風口位資源共享及big data。
港產牛還在使用現場兜售的老方式，數據也沒有強國牛強大，要賺錢眼光又短淺，要偷雞又要保本，竟在開場後平手或蝕讓，吸引一大班忠實觀眾到現場執死牛。
強國牛則不同，寧願唔賣都唔會做爛個市，開場後攞晒啲飛去食快餐都唔平賣益你，港產牛氣量眼光相形見拙。還有，港產牛佔盡地利，一早已囤積居奇一手係飛，強國牛一張飛都冇踩場，300蚊一日包埋一群鄉里食、住、煙仔，強國人要麽不做，一做就做大做強，如果香港黃牛合法化，應該下一步就是黃牛IPO。
最後一日警察放蛇有幾隻強國牛不幸落網，特區政府如此不體恤及尊重兩地之文化差異，喺地鐵屙屎都可以包容，點解炒黃牛就唔可以？冇規定寫專欄唔可以「曲」㗎嘛……。
郭釗
http://fb.com/heaology.edu
本欄逢周四刊出
道德與否，底線放在哪裏？投資者與騙子的分別，只涉及一樣東西：是否作出虛假陳述。但有啲人連自己都呃埋，做事無底線，大不了俾人話兩句唱幾日，隔幾年善忘的香港人又會因「貪」忘歷史，唔係邊得咁多股票傳銷員、樓市人生導師同政治KOL等，香完又臭、臭完又香，隔一排冇人記得，無限復活。香港就是一個如此奇妙的地方，行正路難生活，行歪路易生存，發過豬頭身居要職都大有人在。面皮夠厚就得。
商場裏一套最上乘功夫叫「空手入白刃」，即無本生利。市場上有不少變魔術式財技，有些令人心悅誠服，也有更多「穿晒崩」扮高手嘅，真係拆穿都嫌費事。
黃子華棟篤笑26場完滿結束，這可寫入歷史，在香港33萬人入場睇一個人講嘢，應該是前無古人後無來者。但門票售賣過程問題多多，一場城中盛事，當然有人會趁機搵食，是否完全不道德？涉及上述哪一種情況呢？
空手入白刃最佳演繹
公開發售時，可賣門票數量極少，唔知點解黃牛黨則大把貨，搞到子華神都忍唔住拍片聲討，詳細原因沒清楚公佈，但當中涉及主辦單位及贊助商內部權力都幾肯定，而大量門票如何落入黃牛黨手上，大家心裏有數。
事件中最厲害是一班強國黃牛，他們採用最正宗的空手入白刃手法，他們兩手空空走到紅館，在港產黃牛身上低價買入，高價賣出給他們在Wechat內的客戶群，充分利用現時的風口位資源共享及big data。
港產牛還在使用現場兜售的老方式，數據也沒有強國牛強大，要賺錢眼光又短淺，要偷雞又要保本，竟在開場後平手或蝕讓，吸引一大班忠實觀眾到現場執死牛。
強國牛則不同，寧願唔賣都唔會做爛個市，開場後攞晒啲飛去食快餐都唔平賣益你，港產牛氣量眼光相形見拙。還有，港產牛佔盡地利，一早已囤積居奇一手係飛，強國牛一張飛都冇踩場，300蚊一日包埋一群鄉里食、住、煙仔，強國人要麽不做，一做就做大做強，如果香港黃牛合法化，應該下一步就是黃牛IPO。
最後一日警察放蛇有幾隻強國牛不幸落網，特區政府如此不體恤及尊重兩地之文化差異，喺地鐵屙屎都可以包容，點解炒黃牛就唔可以？冇規定寫專欄唔可以「曲」㗎嘛……。
郭釗
http://fb.com/heaology.edu
本欄逢周四刊出
回應 (0)
