新聞類別
財經
詳情#
【蘋果日報】「Son姐，其實之前有行家搵過我問我有冇興趣轉工，雖然心大心細，我諗住做生不如做熟，結果都係留低。估唔到老闆對我咁衰，聽你話決定辭職唔做。人事部主管都應承我『和離』，扣埋大假做多兩日就走得。點知我散水餅都派埋，人事部主管通知我老闆唔批准我扣大假早走，如果唔賠錢，就要做夠一個月通知期先至走得。我唔明點解人事部主管應承咗嘅嘢老闆可以一句唔批准就推翻，可唔可以去勞工處投訴？我應承咗下個禮拜返新工，係唔係唔好搞咁多事賠錢走就算？我真係唔知點做好，我真係唔明點解老闆要咁玩我？」
你左一句點解右一句點解，其實世間上有很多事情根本冇得解。不過看蛛絲馬迹，你老闆可能知道你和行家傾過轉工，覺得你不忠，所以小事化大借故發你脾氣，等到最日後一刻才通知你，你老闆的確明玩你。公司最高決策話事人當然是老闆，人事部主管都只是打工仔，這個醜人他想不想做都要做。去勞工處投訴費時失事於事無補，你只是找自己和人事部主管的麻煩，算了吧！
至於該不該賠錢走了事，如果賠的工資你負擔得起，沒有所謂忿不忿氣，善待自己，賠錢頭也不回走人。如果手頭緊拙，不要勉強，把事實告知新老闆，記住絕不能出半句惡言，希望新老闆明白你是逼不得已，才要求延遲上班日子。通知期內你只須按本子辦事，準時返工準時放工，做好份內事就夠。老闆對你的態度幾惡劣也好，想到他時日無多，你應該以心都涼埋的愉快心情面對他。
如果他繼續詆毀人身攻擊侮辱欺凌你，不必客氣死忍，平機會可以為你出頭取公道。有疑難，記得話我知！
張慧敏
你左一句點解右一句點解，其實世間上有很多事情根本冇得解。不過看蛛絲馬迹，你老闆可能知道你和行家傾過轉工，覺得你不忠，所以小事化大借故發你脾氣，等到最日後一刻才通知你，你老闆的確明玩你。公司最高決策話事人當然是老闆，人事部主管都只是打工仔，這個醜人他想不想做都要做。去勞工處投訴費時失事於事無補，你只是找自己和人事部主管的麻煩，算了吧！
至於該不該賠錢走了事，如果賠的工資你負擔得起，沒有所謂忿不忿氣，善待自己，賠錢頭也不回走人。如果手頭緊拙，不要勉強，把事實告知新老闆，記住絕不能出半句惡言，希望新老闆明白你是逼不得已，才要求延遲上班日子。通知期內你只須按本子辦事，準時返工準時放工，做好份內事就夠。老闆對你的態度幾惡劣也好，想到他時日無多，你應該以心都涼埋的愉快心情面對他。
如果他繼續詆毀人身攻擊侮辱欺凌你，不必客氣死忍，平機會可以為你出頭取公道。有疑難，記得話我知！
張慧敏
回應 (0)
