減價戰爆發　數碼通：一個客都唔會輸

【蘋果日報】本地流動通訊市場減價戰越演越烈，早前對手率先減價，數碼通（315）一天後隨即宣佈跟減。對此，數碼通總裁葉安娜表示，減價戰非大家樂見的局面，但認為是最適合的回應方式，「你唔做嘢，反而仲輸得慘！」
葉安娜表示，自減價戰開始後，數碼通的客數有增無減，未有受影響，揚言：「我哋基本上一個客都唔會輸，仲要贏多啲客番嚟。」當對手率先減價後，數碼通於24小時即刻作出反應，已反映公司的進取程度及決心，「客戶係我哋重要嘅資產，我哋絕對唔會手軟。」
她指出，香港電訊市場競爭向來激烈，現時無限月費價位並非一個sustainable level（可持續水平），認為實力稍弱者終會被市場淘汰離場，「好老實講，呢樣嘢本來係應該值400幾蚊，本來定價係有佢原因，我哋係要畀服務、網絡、頻譜（費用）。」
她坦承，因頻譜及人工等成本不斷上升，而無限月費計劃卻跌至現時水平，「但既然市場去到呢個位，（我哋）一定要迎戰。」她續稱，未知是次減價戰何時才會終結，因價格戰非由數碼通帶起；又笑言本港消費者非常幸福，能以低廉價格享受到高品質服務。
執董及首席財務總監陳啟龍指出，雖然客數仍持續上升，但減價戰勢令ARPU（每月每戶平均收入）受壓，對業績有一定影響，但難言具體影響程度。
惟他強調，數碼通絕不會坐以待斃，「價格戰我哋幾時都奉陪」。此外亦會從固網及企業客等不同業務着手，「希望可以彌補番一部份（收入），拉上補下，將價格戰影響降至最低。」