明報教育展 講座猛人多

【明報專訊】今個學期已近尾聲，有唔少同學開始籌謀到外國升學浸下鹹水，《明報》喺九龍灣國際展貿中心搞一連兩日嘅「高中生升學博覽會2017」，今日正式開幕，超過50間本港同海外專上教育機構會即場提供升學資訊及課程諮詢服務，同場有逾40場升學講座。同學同家長要搵海外升學資訊唔使撲來撲去。


升學博覽會內嘅講座，包括由香港輔導教師協會分析大學收生計分法和聯招改選策略；人稱辣媽CEO嘅資深獵頭人職場專欄作家張慧敏、麥何小娟（麥明詩嘅媽媽）、新華財金社首席投資策略師盧楚仁、資深傳媒人李燦榮、Lab Made分子雪糕專門店創辦人鄭康宏、註冊營養師陳國賓會分享海外升學嘅情况，同埋留學熱門地嘅貨幣走勢；青協媒體輔導中心亦會分享十大大學面試題目、面試成功之道，亦會有專業輔導協會主席崔日雄會講解九大以外嘅升學選擇，同埋升讀自資課程考慮因素；仲有科大會向考生提供報讀課程嘅建議。詳情可以到eduexpo.mingpao.com睇睇。今日唔得閒去，仲有聽日。