林鄭捧中國三大男高音場

【明報專訊】中國三大男高音莫華倫（左一）、魏松（左三）及戴玉強（右三） ，噚晚喺文化中心舉行慶回歸音樂會，唔少政界人士都有出席，有份贊助音樂會嘅香港北京交流協進會，會長施榮懷（右一）一早到場打點，而近期忙於組班同與政黨會面嘅候任特首林鄭月娥（右四）就同三大男高音合照，似乎好高興。京港協進會副會長何超瓊（右二）、立法會前議員何承天（左二），以及前特首董建華、中聯辦主任張曉明都有捧場。