萬科獨董出書 爆股權戰內幕

【明報專訊】萬科（2202）股權爭奪戰落幕，花生一地，其間高調幫管理層向前大股東華潤開火的萬科獨立董事華生，近日「食住條水」出咗一本名為《萬科模式—控制權之爭與公司治理》嘅書，大爆內幕。


華潤不滿引深鐵 失大股東位置

華生在書中披露，萬科管理層喺寶能系買入10%股份時就已找華潤救急，但華潤按兵不動，萬科就諗住繞開華潤引入深圳地鐵，又引起華潤不滿，深圳政府搵華潤講和，華潤老總傅育寧就話，要同意可以，前提是萬科向深鐵配股20%之後，深鐵要將其中10%以市場價格轉畀華潤，但被拒絕。


之後嘅事大家都知道，深交所同國資委施壓下，華潤最終都要屈服，唔單止大股東位置不保，全部股份都要畀晒深鐵。家回頭再睇，會唔會後悔？總之點樣都好，呢場鬧劇中，贏家只有萬科管理層同深鐵——唔係，或者仲有收版權費嘅華生。


email: piano@mingpao.com

[小琴密語]