曾鈺成：無意與曾俊華田北俊合組

【明報專訊】前財政司長曾俊華（John Tsang）、「花生友」兼自由黨榮譽主席田北俊（James Tien），以及立法會前主席曾鈺成（Jasper Tsang），早排一齊食飯兼合唱《沉默是金》，唔少人都希望呢3個JT可以「拍住上」合作。噚日曾鈺成就被問到，係唔係將會跟另外兩個JT合組，曾鈺成話大家都係朋友，但家無任何合組計劃。


稱補選「一定支持民建聯候選人」

曾鈺成噚日出席一個公開活動後，回應合組及推薦人參加立法會補選嘅傳聞，佢話家無任何合組計劃。佢又強調補選時梗係要支持民建聯候選人，「我係民建聯成員，一定係支持民建聯嘅候選人」。