講回歸20年 黃之鋒李柱銘赴美聽證會

【明報專訊】美國「國會及行政當局中國委員會」下月3號舉行聽證會，討論香港回歸20年嘅狀况，香港眾志秘書長黃之鋒同民主黨創黨主席李柱銘會到華盛頓出席，前港督彭定康就會透過視像會議發言。


聽證會嘅網上介紹形容，香港回歸20年，一國兩制近年受到北京前所未見的侵犯，例如2015年底書商失蹤、香港到家未有普選、新聞自由持續受侵蝕，司法獨立面對嘅威脅亦不斷增加，聽證會會檢視香港長遠人權、基本自由，同保障高度自治嘅挑戰。


黃之鋒噚日出席港台節目嗰陣話，大約兩三個月前收到邀請，之後安排咗時間出席，佢希望國際社會同傳媒關注香港未來30年嘅路點樣走，亦希望佢哋多啲發聲。