內地投資論壇數據 計算北水指數

【明報專訊】今時今日出嚟行無公關唔得，但財經公關推出指數又係咩玩法？偉達公關噚日推出一隻用於追縱內地投資者對港股關注度嘅「偉達中資港股熱度指數」，結果顯示，3月內地投資者對港股嘅熱情創下該指數誕生（2016年1月）以來最低。


指數主要數據，包括320萬篇內地媒體報道、3萬份大行報告提及港股嘅次數，不過主要係源自內地最大個人投資者論壇「雪球」嘅30萬條論壇討論，偉達話雪球係最多用戶討論港股嘅論壇，不過散戶出口術可唔可以作準就真係見仁見智。不過就咁睇，呢個熱度指數過去15個月走勢，同下一個月嘅恒指走勢走向基本一致嘅。


[小琴密語]