電影戲服展 帶觀眾返古代

【明報專訊】電視熒幕上面不時可以見到演員著古裝做戲，好似穿越時空返到古代，電影資料館由噚日 （21日）開始去到8月13日，會展出18套出自1950年代至千禧年嘅古裝電影戲服，令市民可近距離欣賞有關服裝。


展梅艷芳梁朝偉戲服

電影資料館展覽廳所舉辦嘅「穿•越•時代：古裝篇」展覽，展出18套精選古裝戲服，當中多套曾由知名影星著過，包括曾演《金玉良緣紅樓夢》（1977） 嘅張艾嘉、《審死官》（1992）嘅梅艷芳同周星馳、《英雄》（2002）嘅李連杰同梁朝偉，仲有《滿城盡帶黃金甲》（2006）嘅周杰倫同劉燁，部分戲服會有360度立體圖像，等觀眾可以多角度欣賞。