離任前最後一課 杜耀明談內地新聞自由

【明報專訊】喺浸大任教多年嘅浸大新聞系助理教授杜耀明（杜sir），完成今個學期課程後就會退休，佢噚日喺校園為約50個學生同舊生上最後一堂課，講解內地新聞自由同審查情况，有出席者喺堂上幫杜sir直播，見到課堂前後掌聲雷動，有學生落堂後贈送「潮語」紀念紙牌畀杜sir，紙牌後寫上大家對佢嘅心意同祝福，佢哋亦齊齊影相，場面十分溫馨。


雖然係最後一堂，杜sir絕無偷懶，以不同新聞事件、片段同理論幫學生了解國情。在座年輕學生隨時成為未來記者，杜sir寄語佢哋掌握內地制度上嘅邏輯、「伺機行動」，佢話內地社會要有大轉變，傳媒生態先會跟住有大轉變，但當呢啲轉變未嚟之前，仍然可以喺一啲小空間繼續努力。