薯片訪英華聽音樂會 仲有小鳳姐

【明報專訊】人稱薯片叔叔嘅前財政司長曾俊華前晚再度到訪英華小學，呢次唔係落區了解教育政策，而係去咗聽英華小學音樂會，當佢一踏進大堂，即刻引起全場歡呼，好多人爭住同佢握手合照，人氣未減（上圖）。


英華小學校長林浣心（右圖左）仲話，曾俊華坐足全場，又讚英華管樂團充分體現咗團隊嘅互信合作，最後鼓勵同學要堅持興趣，遇到困難唔好放棄。至於音樂會第一晚就堅係「有請小鳳姐」——徐小鳳做觀眾（右圖右），小鳳姐讚英華同學演出專業，仲話日後佢舉行個唱，一定會邀請英華仔演出。