中船重工擬遷入雄安

【明報專訊】近排任何一件事只要同「雄安」扯上關係都會變成新聞，無他嘅！最高領導層寄以厚望嘅千年大計，全國點敢唔齊聲響應？除咗傳媒要熱議、部門要落實，一眾央企當然亦要快快表態支持。


就響設立雄安新區消息公布之後，已經有國投、中石化（0386）、中聯通（0762）、中鐵建（1186）、中國中冶（1618）等等央企立即表示樂於參與新區建設。咁其他遲咗表態嘅央企又點？可以學下呢間中船重工，噚日響微信官方號發消息，唔單止要支持雄安，仲索性決定搬埋入雄安，講到明要「以遷企入畿的實際行動」呼應中央，成為首間表態肯搬嘅央企。雖然中船重工主要係造船，雄安新區位於內陸，不過連搞個新區都可以講到係千年大計，「船企登陸」又有咩唔可能。


[小琴密語]