梁太撐小作家新書

【明報專訊】特首夫人梁唐青儀（前排左三）噚日出席咗由《亞洲週刊》等機構主辦嘅《悅讀，從少年起步》新書發布會，同現場約300名小學生大談閱讀嘅好處。嗰本書輯錄咗200多名全港小學生嘅作品，梁太話好鍾意呢本書，仲非常欣賞小學生嘅創作力，「一打開本書就好似走進一個小朋友嘅世界入面」。
有「小作家」同Emily講，無諗過作品會被輯錄成書，未來會更用心閱讀同寫作。政府換屆在即，梁太噚日離開時就未有回應卸任特首夫人後有咩大計。