民建聯訪中聯辦「傾中港事務」

【明報專訊】特首選戰結束後，中聯辦呢幾日都特別熱鬧，民建聯主席李慧琼同候任特首林鄭月娥等都先後拜訪中聯辦。噚日多名民建聯領導層也現身中聯辦，港區全國人大代表葉國謙帶住民建聯副主席周浩鼎、張國鈞同陳克勤一齊去中聯辦。陳克勤同Emily講，佢哋係去傾有關人大同中港事務嘅事情。


《蘋果日報》噚日下午影到阿謙一行四人去咗中聯辦，仲逗留大約一個鐘。會後阿謙只係簡單回應，同記者講去傾人大嘅嘢。


今年係民建聯創黨25周年，亦係兩年一任領導層換屆嘅日子。民建聯噚日公布最新一屆52名中委會同43名監委會選舉結果，今年有8名新嘅中委，包括招文亮、黃冰芬同董健莉等人。新任嘅中央委員同監察委員，將會喺4月10日召開會議，屆時會選出新一屆黨領導層，以及監委會主席同副主席。