地區現選舉橫額 許紹雄參選？

【明報專訊】選舉期間大家不時見到候選人喺地區掛橫額、擺易拉架等宣傳，中西區區議會副主席、民建聯陳學鋒噚日就喺facebook上載咗幾張喺地區見到嘅橫額，仲有埋號數，陳學鋒形容係「堅離地城選舉」，仲話連義工都問乜又選舉咩。


睇真啲幾張banner，寫住「社區新（生）力軍 鍾泰最親民」，呢個鍾泰其實係藝人陸永；至於2號嘅雷震就係藝人許紹雄，相信banner係拍電視劇或電影所用，製作都幾逼真。除咗橫額，連落區用嘅大聲公等物品都出齊，難怪有人以為又有選舉嘅。