下月手工啤酒節 「港女」「港男」啤登場

【明報專訊】潮流興飲手工啤，口味愈來愈多，除咗淡麥、蜂蜜同柑橘味，原來仲有鹹檸啤（圖）、用咗花椒、八角嘅港女啤，同加入紅棗、桂圓嘅港男啤。呢啲特色手工啤喺嚟緊11月18至19號嘅手工啤酒節Beertopia登場。


今次手工啤酒節已經係第五屆，會喺中環海濱活動空間舉行，除咗有酒飲，今年大會仲安排咗超過20間食府參與，又有小販檔大賣懷舊小食，等入場者可以大杯酒、大塊肉。