新聞類別
財經
詳情#
【明報專訊】京都百年綠茶老店中村藤吉舊年攻港，令唔少香港人都好興奮，而佢哋喺太古廣場搞嘅Pop-up Store更加係一時話題，不過小琴諗無乜人估到，中村藤吉同早年備受投資市場質疑嘅西藏水資源（1115）原來大有關係。
蔣鈞兩邊有股權
查實而家響香港代理緊中村藤吉嘅香港公司中村藤吉本店，大股東係揸住51%股權嘅株式會社中村藤吉，而另一個有49%股權嘅股東就係一隻基金，而公司兩名董事，一個係大名鼎鼎嘅第六代中村藤吉，另一個就係一個叫蔣鈞嘅內地商人。
至於呢個能個說服一向重視自己品牌嘅日本人，將品牌帶嚟香港嘅人究竟係乜來頭？小琴查過唔少資料，發現佢喺香港擁有唔少飲食生意，最出名係同藝人劉嘉玲、大劉劉鑾雄大仔劉鳴煒夾份，喺尖沙咀The One一口氣開咗三間高級餐廳。
回到正題，咁中村藤吉同西藏水資源又有乜關係？其實早排認購咗西藏水一批可換股債券嘅天易資本，話事人就係蔣鈞，而且佢仲喺認購可換股債券前已同西藏水有生意來往，舊年西藏水隻招牌「5100礦泉水」終於嚟咗香港零售，話唔定佢都有份參與添。
講咗咁多，小琴只係好想知，早年因為俾市場質疑佢毛利率同生意規模嘅西藏水同中村藤吉之間，究竟會唔會有合作空間呢？
email: piano@mingpao.com
[小琴密語]
蔣鈞兩邊有股權
查實而家響香港代理緊中村藤吉嘅香港公司中村藤吉本店，大股東係揸住51%股權嘅株式會社中村藤吉，而另一個有49%股權嘅股東就係一隻基金，而公司兩名董事，一個係大名鼎鼎嘅第六代中村藤吉，另一個就係一個叫蔣鈞嘅內地商人。
至於呢個能個說服一向重視自己品牌嘅日本人，將品牌帶嚟香港嘅人究竟係乜來頭？小琴查過唔少資料，發現佢喺香港擁有唔少飲食生意，最出名係同藝人劉嘉玲、大劉劉鑾雄大仔劉鳴煒夾份，喺尖沙咀The One一口氣開咗三間高級餐廳。
回到正題，咁中村藤吉同西藏水資源又有乜關係？其實早排認購咗西藏水一批可換股債券嘅天易資本，話事人就係蔣鈞，而且佢仲喺認購可換股債券前已同西藏水有生意來往，舊年西藏水隻招牌「5100礦泉水」終於嚟咗香港零售，話唔定佢都有份參與添。
講咗咁多，小琴只係好想知，早年因為俾市場質疑佢毛利率同生意規模嘅西藏水同中村藤吉之間，究竟會唔會有合作空間呢？
email: piano@mingpao.com
[小琴密語]
回應 (0)
