7月12號生日 免費搭港鐵

【明報專訊】地鐵公布新一批生日幸運兒，可於7月領取免費車票。港鐵事務總監蘇家碧同藝人林峯噚日喺香港站主持抽獎儀式，抽出7月12日生日嘅香港身分證持有人成為新一批生日之星。呢批幸運兒可獲贈生日獎一份，每份生日獎包括一張特別設計嘅「Happy Birthday全日通」車票、一張50蚊嘅港鐵商場現金禮券同其他商戶優惠券。


幸運兒要喺7月1日至31日內任何一個星期日，上午11點至下午6點到大部分港鐵站內嘅特設換領處，或於平日到紅磡站內的旅客服務中心，憑身分證換領生日獎。